Udas logon ki bastiyon mein Wo titliyon ko talash karti Wo aik larki

*Wo aik larki*

***IMRAN KHAKIG***

Udas logon ki bastiyon mein
Wo titliyon ko talash karti
Wo aik larki

Wo gol chehra wo kali aankhein
Jo karti rehti hazaar batein
Mizaj saada wo dil ki achi
Wo aik larki

Wo chahaton k nisaab janey
Wo janti hai ehad nibhaney
Wo dost achi wo achi sathi
Wo aik larki

Wo jhootay logon ko sacha samjhey
Wo sari duniya ko acha samjhey
Wo kitni saada c kitni pagli
Wo aik larki

KHAKIG