Kashif Nadeem Guzri Hai Umar Hijar K Zalim Azaab Mein Koi To Khata Ho Gai Ho Gi Shabaab Mein

<HIJAR K ZALIM>

<=.....AZAAB===>

Poet Kashif Nadeem

Guzri Hai Umar Hijar K Zalim Azaab Mein

Koi To Khata Ho Gai Ho Gi Shabaab Mein

Guzri Sehar Bhi Younhi Jawani Guzar Gai

Ab Kon Aa Base Dil-E-Khana Khrab Mein

Lehjay Ko Chor Khat Humain Pakra De Nama-E-Bar

Kuch To Likha Hai Us Ne Khaton K Jawab Mein

Mujh Ko To Isi Raz Se Wabastagi Si Hai

Meri To Pori Umar Kate Gi Sawaab Mein

Wo Ayse Meri Zaat Mein Tehleel Ho Gia

Jaise Khili Ho Rat Ki Rani Gulab Mein

Na Kaam Hasraton Ka Nateeja Mofeed Tha

Shamil Wo Gia Hai Dil-E-Kamyab Mein

Kitna Sakhi Tha Mere Samandar Ka Hosla

Main Ne Bhanor Samaita Hai Laa Kar Habaab Mein

Kajal Bhare Ashkon Ka Bikhra Howa Tha Rang

Tasweer Meri Rakh K Wo Soya Kitab Mein

Kashif Dayar-E-Ghair Mein Khushian Mili To Hain

Mera To Naam Darj Hai Meri Kitab Mein..............!