Main Jag Jag Thaka Hon K Rat Baqi Hai kashif

Poet Kashif Nadeem

Main Jag Jag Thaka Hon K Rat Baqi Hai,

Na Jane Aisi Hi Kitni Hayat Baqi Hai,

Yahan Na Mehar-O-Wafa Hai Na Khaloos Kahein,

To Kion Ye Hashar Talak Kainat Baqi Hai?

Mila Hai Kion Mutabsam Wo Aaj Phir Mujh Ko,

Khudaya Kon Si Ab Wardat Baqi Hai?

Wo Bar Bar Jo Murr Murr K Dekhta Hai Mujhe,

Zaroor Dil Mein Koi Is K Bat Baqi Hai,

Ye Kon Tishna Dehan Tha Qareeb Sahil K,

K Jis K Sog Mein Ab Tak Farat Baqi Hai,

Wo Lakh Teer Chale Hain Chashm-O-Aabro K,

Humare Dil Ka Abhi Somnat Baqi Hai,

Nahi Hai Pas Agar Too To Kia Howa Ab Tak,

Sama'aton Mein Teri Bat Bat Baqi Hai,

Main Apne Ap Pe Hairan Hon Aaj Bhi,

KASHIF

Bikhar K Bhi Mera Azam-O-Sabat Baqi Hai...............!